பாரதி திரைப்படத்தில் ஒவ்வொரு பாடல் கேட்டுவரும்போது பாரதியாரின் வரிகளை மிகவும் உன்னிப்பாகக் கேட்டு ஆச்சரியப்பட்டுக் கொண்டே வந்தேன். பாரதியின் வரிகளுக்கே இளையராஜாவின் இசை ஒரு எடுப்பையும் வலிமையையும் கொடுத்திருக்கிறது என்றால் அது மிகையாகாது. பலரும் பாடல்களைக் கேட்டுவிட்டுப் போய்விடுவது போல என்னால் போகமுடியவில்லை. அந்த நேரத்தில்தான் "எதிலும் இங்கு இருப்பானவன் யாரோ" என்ற பாடலைக் கேட்டேன். முதலில் அந்தப்பாடலை பாரதியாரின் பாடல் என்றுதான் நினைத்தேன். ஏனென்றால் அந்தவரிகளில் தவழ்ந்த மரபு, இன்று இருக்கும் திரைப்படப்பாடல் எழுதும் கவிஞர்களுக்கு எடுத்தாளத் தெரியாத ஒரு முறை.