அறிகுறிகள் என்னென்னவென்று குறிப்பிடவும்!! நன்றி...
| நம் மூச்சுக்காற்றைத் தூய்மைப்படுத்தி அனுப்பிவைக்கும் மரங்கள் நமது உயிர் உரங்கள்!... எண்ணிப் பாருங்கள். |
நீங்கள் தமிழில் தட்டச்சு செய்ய எல்லோராலும் அதிகமாகப் பயன் படுத்தப்படும் இ-கலப்பை எனும் செயலியைப் பதிவிறக்கம் செய்து கொள்ளுங்கள். இப்போது அது கூகுள் மூலம் கிடைக்கிறது. இங்கே சொடுக்கி விவரத்தை அறிந்து கொள்ளவும்.
பன்றிக்காய்ச்சல் அரக்கனிடமிருந்து தப்பிக்க...
வெள்ளிக்கிழமை, 07 ஆகச்டு 2009 10:55 | ஆசிரியர்: கணேஷ் குமார் | 
வெளிநாடுகளில் வெகுவேகமாகப் பரவிவந்த பன்றிக்காய்ச்சல் இப்போது நம் நாட்டில் வேகமாகப் பரவ ஆரம்பித்துள்ளது. இந்தச் செய்தி நம்மை பீதிக்குள்ளாக்கினாலும், அதிலிருந்து காத்துக் கொள்வதெப்படி என்பதை நாமெல்லோரும் அறியாமல் திகைக்கிறோம். பேரழிவைத் தரும் திறன்கொண்ட அந்த பன்றிக்காய்ச்சல் எனும் அரக்கனை எவ்வாறு அண்டவிடாமல் தடுக்க நாம் பின்பற்றவேண்டிய வழிமுறைகள்,
- தேவையான அளவு (குறைந்தது 7 முதல் 8 மணிநேர அளவு) ஆழ்ந்த நிம்மதியான தூக்கத்தினை மேற்கொள்ளுங்கள்.
- தினமும் கொஞ்சம் கொஞ்சமாக 7 முதல் 8 செம்பு தண்ணீர் குடிக்கவும். இது கிருமிகள் மற்றும் உடலுக்கு ஆகாத கழிவுகளை சிறுநீர் மூலம் வெளியேற்ற உதவும்.
- பாக்டீரியாக்கள் எனப்படும் நுண்ணுயிரிகளை எதிர்த்துப் போராடும் குளியல் கட்டிகள் (Soaps) மூலம் அடிக்கடி கழுவிக்கொள்ளுங்கள்.
- சுத்தமாகக் கழுவப்பட்ட உயிர்ச்சத்துக்கள் நிறைந்த காய்கறிகளை, முளைகட்டிய தானியங்களை தினமும் அதிகமாக உணவாக உட்கொள்ளுங்கள்.
- முக்கியமாக மதுவை தவிர்த்துவிடுங்கள். மது அருந்துவது இந்த நோயை சிவப்புக்கம்பளமிட்டு வரவேற்கும்.
- ஓரிடத்தில் அமர்ந்தே இருக்காதீர்கள். ஓடியாடி வேலை செய்யப்பழகுங்கள். சோம்பலும் இந்த நோய்க்கு நல்ல நண்பன்.
- மக்களோடு மக்களாகப் பணியாற்றுபவர்கள் முடிந்தவரை காற்றோட்டமான பகுதியில் அதிக நேரம் இருங்கள். அளவுக்கதிகமாக நோய்வாய்ப்படவர்களிடம் நெருங்காமலிருப்பது நல்லது.
- தேவையற்ற பயணங்களைத் தவிர்த்துவிடுங்கள். மக்கள் கூடுமிடங்களுக்கு அதிகமாகச் செல்வதைத் தவிர்த்துவிடுங்கள்.
பின்வரும் அறிகுறிகள் பற்றி தினமலர் தளத்தில் அறிந்துகொண்டேன்,
- வேகமாக மூச்சுவாங்கும்.
- தோல் நீலநிறமாக, பழுப்புநிறமாக மாறும்
- தொடர் வாந்தி ஏற்படும்
- தூங்கும்போது எழும்பமாட்டார்கள் அல்லது நினைவிழந்தபடி இருப்பர்
- காய்ச்சலடிக்கும் இருமல் அதிகமாக இருக்கலாம்
- நெஞ்சிலும் அடிவயிற்றிலும் வலியுண்டாகலாம்
- சோர்ந்து காணப்படலாம்
- குழப்பமான மனநிலை நிலவும்
நோயற்ற வாழ்வே குறைவற்ற செல்வம். நீங்கள் அனைவரும் இந்த பன்றிக்காய்ச்சல் அரக்கனிடமிருந்து தப்பித்துக்கொள்ள வாழ்த்துக்கள்!
இறுதியாக இற்றைப்படுத்தப்பட்டது (வெள்ளிக்கிழமை, 07 ஆகச்டு 2009 20:03)