தமிழில் இதுவரை வந்திராத ஒரு மோசமான திரைப்படம்

முகப்பு

செய்திகள்

Ram

தமிழில் இதுவரை வந்திராத ஒரு மோசமான திரைப்படம்

திங்கட்கிழமை, 18 சனவரி 2010 08:23 | ஆசிரியர்: கணேஷ் குமார் |

காசை வாங்கிக் கொண்டு தன்னையும் தன் குடும்பத்தைச் சார்ந்தவர்களையும் கெட்ட வார்த்தைகளால் திட்டினால்கூட இந்த தணிக்கைக் குழுவும் அதற்குத் துணைநிற்பவர்களும் படத்திற்கு சான்றளித்து படம்பார்க்க அனுமதிப்பார்கள் என்று தெரியும் தற்போது வெளிவந்திருக்கும் "ஆயிரத்தில் ஒருவன் " திரைப்படத்தைப் பார்ப்பவர்க்கு. அத்தனையும் வக்கிரம். வக்கிரத்தைத் தவிர வேறொன்றுமில்லை எனலாம். செல்வராகவன் என்ற இயக்குனருக்கு, இதற்காகத் தூக்கு தண்டனை அளித்தாலும் அதில் தவறில்லை என்று தோன்றுகிறது.

தொன்றுதொட்டு வழிவழி வந்த தமிழனை இந்த செல்வராகவன் ஒருவன் மூலமே நாம் அவமானப் படுத்திவிட்டோம். அவ்வளவு கெட்டவார்த்தைகளையும் வாயினாலே பேசவைத்து பீப் ஒலியெழுப்பி மறைப்பதுபோல பாசாங்கு செய்திருக்கிறது தணிக்கைக் குழு. தமிழ்நாட்டை ஆண்ட பழந்தமிழ் மன்னர்கள் பெண்பித்துப் பிடித்தவர்கள் என்றும் சளுக்கர்களை விடக் கேவலமானவர்களாகவும் காட்டியிருக்கிறான் அந்தத் தமிழினத்தின் கோடாரிக்காம்பு. பைத்தியகாரனைப் பற்றி இதற்கு மேலும் வேறென்ன சொல்லத் தெரியவில்லை.

திரைப்படம் முழுக்க வெட்டு, தலை உருளுதல், உதிரம், கொடுமை, வக்கிரம், ஆபாசம் என்று என்னவேண்டுமானாலும் சொல்லலாம். பார்க்கச் சகிக்கவில்லை, காதுகளைப் பொத்திக்கொண்டு ஓடிவந்துவிட வேண்டுமளவு கண்டபடி ஒலி, பின்னணி இசை.

கதையில் வரும் பாத்திரங்கள் ஆண் பெண் என்று பாகுபாடின்றி மது அருந்தி மாமிசம் சாப்பிடுவதாகக் காட்டி சோழ பாண்டியர்களை சேற்றுச்சகதிக்குள் தள்ளிவிட்டு சோழன் பயணம் தொடரும் என்றுவேறு சொல்லியிருக்கிறான். தமிழனத்தின் தலைவன் என்று தன்னைப் பறைசாற்றிக்கொண்டிருக்கிற கட்சித்தலைவர்கள் இதற்கு என்ன பதில் சொல்லப்போகிறார்கள் என்று தெரியவில்லை. படத்தைப் பார்ப்பவர்கள் உண்மைத் தமிழனாயிருக்கும் பட்சத்தில் நாக்கைப் பிடுங்கிக் கொண்டு சாகவேண்டுமென்று எண்ணுவது திண்ணம். இதுவரை வெளிவந்த தமிழ்த் திரைப்படங்களிலேயே அசிங்கத்தின் உச்சி என்று எண்ண விழைகிறோம்.

தமிழக மக்கள் கண்டிப்பாக இந்தத் திரைப்படத்தைப் பார்ப்பதைத் தவிர்க்கவேண்டும் என்பது எனது தனிப்பட்ட வேண்டுகோள்.

புதிய

கருத்துரைகள் (3)

|2010-01-19 00:16:31 Ram

unmai kaskathan seiyum

|2010-01-19 16:08:40 கணேஷ் குமார் - மனசாட்சியோடு பேசுங்கள்.... எது உண்மை?

ராம்... எந்தப் புவியில் இருக்கிறீர்கள்?.... இது ஒரு கற்பனைக்கதை என்று இயக்குனரே சொல்லி திரைப்பட ஆரம்பத்திலும் போட்டிருக்கிறார்கள்.
சோழ நாட்டு மன்னர்கள் பாண்டிய நாட்டு மன்னர்கள் போரிட்டார்கள் உடமைகளைக் கவர்ந்துசென்றார்கள். ஆனால், எந்தத் தமிழ் மன்னனும் ஆளில்லாத ஒருதீவில் போய் ஒளிந்து கொண்டு வாழ்ந்த கோழைகளில்லை. செல்வராகவனின் எல்லாப் படமும் இளையதலை முறைக்கு சாபக்கேடுதான். கேட்பவன் கேனப்பயல் என்றால் கேழ்வரகிலும் நெய்வடியுமா?