Joomla ThemesDeposit PokerNo Deposit Bonus
இந்த நாழிகை எண்ணம்

தமிழ் இலக்கியத்தின் உறுப்புக்கள் எனப்படுபவை இயல், இசை, நாடகம் என அறிவோம். முன்னோர்கள் இவற்றைப் பயன்படுத்தித்தான் மக்களுக்கு அறிவு புகட்டினார்கள். ஆனால், அந்த நாடகத்தின் இன்றைய வடிவமான திரைப்படங்களின் பாடல்களைக் கல்லூரி நிகழ்ச்சிகளில் ஒலிக்கக் கூடாது என பல்கலைக் கழகங்கள் தடைசெய்யுமளவுக்கு கலை அழிவினை நோக்கிப்போயிருக்கிறதே?... எண்ணிப் பாருங்கள்.
ஊட்டங்கள் (ஓடைகள்)
ஊட்டங்களைப் பெற்றுக்கொள்ள
ஆக்கங்கள்
திரைப்பாடல்
மருத்துவம்
தமிழ் தட்டச்சு செயலி
நீங்கள் தமிழில் தட்டச்சு செய்ய எல்லோராலும் அதிகமாகப் பயன் படுத்தப்படும் இ-கலப்பை எனும் செயலியைப் பதிவிறக்கம் செய்து கொள்ளுங்கள். இப்போது அது கூகுள் மூலம் கிடைக்கிறது. இங்கே சொடுக்கி விவரத்தை அறிந்து கொள்ளவும்.
சிறப்பு இணைப்புக்கள்


அறிவோம் தமிழ் மருத்துவத்தின் அருமையை (1) - வாழவைக்கும் வாழை

ஞாயிற்றுக்கிழமை, 09 ஆகச்டு 2009 19:06 | ஆசிரியர்: பிரம்மஸ்ரீ. விஜயராகவன் | அச்சிடுக மின்னஞ்சல்
(3 வாக்களிப்புகள், சராசரியாக 4.33 நட்சத்திரங்கள் - மொத்தம் 5 நட்சத்திரங்கள்)

அறிவோம் தமிழ் மருத்துவத்தின் அருமையை (1) - வாழவைக்கும் வாழை

கோவில் திருவிழாக்கள், வீடுகளில் நிகழும் நல்விருந்துகள் வணிக நிறுவனங்கள் மற்றும் தொழிலகங்கள் திறப்புநாட்கள் மேலும் அனைத்து நல்ல நிகழ்வுகளிலெல்லாம் வாயில்களில் மலர் மற்றும் குலையுடன் கூடிய வாழைமரத்தினைக் கட்டுவது  நமது நாட்டின் மரபாகக் கருதப்படுகிறது. அதைக்கடந்து உட்சென்றால் முதலில் தட்டுக்களில் நம்மை வரவேற்பதும் வாழைப்பழமே. விருந்தில் பரிமாறப்படுவதும் வாழைப்பழமே.

இது பழங்களின் அரசி எனச்சிறப்பிக்கப்படுகிறது. குழந்தைகளையும், உறவினர்களையும் மற்றும் உடல்நலக்குறைபாடுடையோரைப் பார்க்கச் செல்பவர்கள் வாங்கிச்செல்லும் பொருட்களில் வாழைப்பழம் தவறாது இடம்பெறுகிறது. புதுமணத்தம்பதியரை முதல்நாளில் பாலும் வாழைப்பழமும் கொடுத்து இனிமையாக இருத்த வாழ்த்துவது தமிழர் மரபு. வாழ்த்தும்போதும் "வாழையடி வாழையாக" எனக்கூறுவதையும் கண்டிருப்பீர்கள். வாழை அழிவினைச்சந்திக்காத ஒருமரம். ஒரு வாழை மரம் வாழைமட்டும் உங்கள் இல்லத்தில் வைத்துவிட்டால் போதும் அது காலம் காலமாக தன் சந்ததிகளை வளரவிட்டுத்தான் செல்லும். மற்ற பழங்கள் அதற்கான காலப்பருவங்களில்தான் கிடைக்கும், ஆனால் வாழைப்பழமோ ஆண்டுமுழுவதும் கிடைக்கும் ஒரு சிறப்பான பழவகையாகும். 

வாழையில் இருபத்தொரு வகைகள் உள்ளதாகக் கூறுகிறார்கள். அதில் நமக்குக் கிடைக்கக் கூடியவை பூவன், நாடன், கற்பூரவல்லி, இரசதாளி, பச்சைப்பழம், சுகந்தம், நேந்திரன், மலைவாழை, செவ்வாழை, பேயன் போன்றவைகள்.
வாதநோய், மந்தம் உள்ளவர்கள் வாழைப்பழம் மற்றும் வாழைக்காய் ஆகியவற்றை உட்கொள்ளக் கூடாது. அவசியமெனில் மிளகு, பச்சைக்கற்பூரம், சர்க்கரை, பிரண்டைத்துவையல் இதில் ஒன்றைச் சேர்த்துச் சாப்பிடலாம். இப்பழம் பொதுவாகப் பசியாற்றும், மலச்சிக்கலை நீக்கும் வலிமைதரும். இரத்தக் குறைவு, பித்தநோய்கள், மயக்கம் தீரும்.


நேந்திரன் வாழை

  • இரும்புச்சத்து அதிகம் நிறைந்தது.
  • உடலுக்கு வலிமையைத் தரும்.
  • குழந்தைகளின் சீரான வளர்ச்சிக்கு ஏற்றது.
  • இரண்டாகவெட்டி நீராவியில் அவித்து உண்டால் குழந்தைகளுக்கும் செரிமானம் ஆகாதவர்களுக்கும் உணவு எளிதில் செரிக்கும்.
கேரளத்து மக்கள் இதன் அருமையை நன்கு தெரிந்து வைத்துள்ளார்கள்.

செவ்வாழை
  • கண்பார்வை குறைந்து வருபவர்கள் தொடர்ந்து உண்பாராயின் 21 நாட்களுக்குப்பிறகு சிறிது சிறிதாகப் பார்வை தெளிவடையும்.
  • ஆண்களுக்கு விந்தணுக்களையும் பெண்களுக்குக் கருமுட்டையையும் வலுப்படுத்தி குழந்தைப் பேறு உருவாக்கும்.
  • குருதி (இரத்தம்) விருத்தியடையும்.
  • கல்லீரல் வீக்கமும், சிறுநீர் வியாதிகளும் நீங்கும்.

மலைவாழை (விருப்பாச்சி)
  • நீண்டநாட்கள் புளிக்காமல் இருக்கும்.
  • குழந்தைகள் நல்ல வளர்ச்சியடைவார்கள்.
  • மலச்சிக்கல் நீங்கும்.

பொதுவாக வாழைப்பழங்களில் பொட்டாசியம் எனும் சத்து அதிகமிருப்பதால் உடல்நலத்துக்கு இவை உகந்தவை. இதன்மூலம் பொட்டாசியம் தாதுக் குறைவால் கால்களின் ஆடுதசையில் ஏற்படும் பிடிப்பு (Cramps) முழுமையாக நீங்கும். மாரடைப்பு வராமல் தடுக்கக்கூடிவை. சோடியம் தாது குறைவாக இருப்பதால் குருதிஅழுத்தக்காரர்களும் (Blood pressure) இதனைச் சாப்பிடலாம்.
வாழையிலுள்ள Tryptophan எனும் புரதச்சத்து மனச்சோர்வினை நீக்கி மகிழ்வினைத் தருவதால் மனநோய்க்கும் இது மருந்தாகப் பயன்படுகிறது. வாழையிலையிலேயே தொடர்ந்து உணவருந்தினால் முகம் பளபளப்பாகி அழகுபெறும், தலைமுடி நரைக்காமல் இருக்கும், நீரிழிவு நேய் அண்டாது அல்லது இருப்பவர்களுக்கு கட்டுப்படுத்தப் படும்.  
வாழைப்பூவினை முறைப்படி சமைத்து உண்பதால், பித்தத்தால் வரும் வெள்ளைபோக்கு, பைத்தியம், உடற்சூடு, Amebiasis எனப்படும் அடிக்கடி மலம் கழிக்கும் நோய் ஆகியன நீங்கும். ஆண்களுக்குத் தாதுபலம் உண்டாகும். கணையத்திலும் சிறுநீரகத்திலும் கற்கள் உண்டாகாமல் தடுக்கும். வாழைப்பிஞ்சைச் சமைத்து உண்பதால் குருதி மூலம், அடிவயிற்றுப்புண், மூலக்கடுப்பு, அடிக்கடி சிறுநீர்கழித்தல் ஆகிய நோய்கள் குணமாகும். பத்தியமிருப்பவர்கள் உண்ணச் சிறந்த உணவாகும்.
மேலும் காயைச் சமைத்து உண்பதால், பைத்திய நோய், வாயில் நீர்வடிதல், சூட்டு இருமல், பித்த வாந்தி, வாயுக்கழிசல், உடல் வெப்பம் ஆகியவை நீங்கும். வாழைத்தண்டை வாரமிருமுறை சமைத்து உண்டு வந்தால் உடலில் கட்டிய நீரை உடைத்து வெளியேற்றும், சின்னஞ்சிறு கற்களை அகற்றி சிறுநீரகத்தையும், சிறுநீர்ப்பாதையையும் சீராக்கும். ஆனால் அதிகம் உண்பதால் எலும்புகள் வலுவிழக்கும்.
வாழைப்பட்டையை உரித்து தீயில் வாட்டி சாறுபிழிந்து தர பாம்புக்கடி நச்சு முறியும். வாழைப்பட்டையில் சுற்றிவைக்கப்பட்ட மூலிகைகள் சிலநாட்கள் வாடாமல் பசுமையாகவே இருக்கும். வாழையின் வேர்க்கிழங்கின் சாறும் நீர்பெருக்கி, கல்லுடைக்கும். சித்த மருந்துகள் உருவாக்கப் பயன்படுகிறது.

இவ்வளவு பயன்களை வாழைதருவதால் வாழை தமிழரின் பண்பாட்டுக்குச் சின்னமாகக் கருதப்படுவதில் ஆச்சரியம் ஒன்றுமில்லை.
 
தொடரும்...
 
அறிவோம் தமிழ் மருத்துவத்தின் அருமையை - தொடரை எழுதுபவர்
பிரம்மஸ்ரீ. விஜயராகவன் அவர்கள்
பாரம்பரிய சித்த மருத்துவர்,
A.V.M. மூலிகை மருத்துவம் மற்றும் ஆராய்ச்சி மையம்
அரங்கநாதபுரம், சூலூர், கோயமுத்தூர்.
தொடர்புக்கு: +91 9025998259.
மின்னஞ்சல்:  avmvijayaragavan(at)yahoo(dot)com
 


கருத்துரைகள் (6)
  • |2009-08-10 21:55:03 நிர்மலா S
    மிகவும் பயனுள்ள தொடர்.
    நன்றிகள்
  • |2009-08-10 22:04:37 நித்தியானந்
    இந்த மாதிரியான பதிப்புகள்தான் நமது வழக்க, பண்பாட்டு சிறப்புகளைத் தெரிந்துகொள்ள உதவும் முயற்சிகள். தமிழ் பண்பாடுதான் மற்ற நமது (மராத்தி, பெங்காலி, பஞ்சாபி...) பண்பாடுகளிலெல்லாம் சிறந்ததாக விளங்குகிறது. தமிழன் செய்யும் ஒவ்வொரு செயலுக்கும், சொல்லும் சொல்லுக்கும் ஒரு உட்கருத்து உண்டு. ஆனால் நாம்தான் அவைகளைப் புரிந்துகொள்ளாமல் இருக்கிறோம். அதற்கொரு நல்ல உதாரணம் 'அரசனை நம்பி புருசனைக் கைவிடாதே' இதல் அரசன் எனப்படுவது அரசமரத்தைக் குறிப்பதை நமது கணேஷ் விளக்குவார் என நம்புகிறோம். இந்தத் தொடரில் நாங்கள் மேலும் பல நல்ல இயற்கை கருத்துக்களை எதிர்பார்க்கிறோம்.
  • |2009-08-10 21:57:13 அருணா அர்ச்சுனன்  - பிரமாதமான தொடருங்க இது
    ஐயா, இது மிகவும் எங்கள் கவனத்தைக் கவர்கிறது. இந்தமாதிரியான மறைந்திருக்கும் உண்மைகள் பல தெரிவிக்கப்பட வேண்டியவை. உங்க கிட்ட நிறைய எதிர் பார்க்கிறோம் :)
  • |2009-08-18 19:02:07 கவிதா
    இது மிகவும் ஆச்சரியமாக இருக்கிறது. இயற்கையின் சிறப்பை உணர்த்துவதாக இந்த கட்டுரை உள்ளது.
    மிகவும் நன்றி.
  • |2009-09-25 17:59:10 கௌசிக்
    இது மிகவும் அருமை. நாம் தினமும் வாழைப்பழம் சாப்பிட்டாலும் அதில் இவ்வளவு நன்மைகள் இருக்கிறதென்பதே நமக்குத் தெரியாது. மிகவும் நன்றி.
  • |2011-07-23 07:45:38 P.G.ARAVINDAN  - need nelp from you
    Andbudayir,
    can u send me the botanical name of பெங்காலி பச்சை
    aravindan
    pgaravindan@rediffmail.com
கருத்துரைக்கவும்
உங்கள் தொடர்பு விவரங்கள்:
கருத்துரை:
[b] [i] [u] [url] [quote] [code] [img]   
:):grin;)8):p:roll:eek:upset:zzz:sigh:?:cry:(:x
Security
படத்திலிருக்கும் ஆங்கிலக் குறியீட்டுச்சொல்லை உள்ளிடவும்.

!joomlacomment 4.0 Copyright (C) 2009 Compojoom.com . All rights reserved."

இறுதியாக இற்றைப்படுத்தப்பட்டது (ஞாயிற்றுக்கிழமை, 09 ஆகச்டு 2009 19:36)

 
© 2009 பனித்துளிகள். அனைத்து பதிவுகளும் அந்தந்த ஆசிரியர்களால் எழுதப்பட்டவை. வில்லங்கங்கள் இருப்பின் வேண்டுகோளின்பேரில் நீக்கப்படலாம் அல்லது மாற்றப்படலாம்.