மனிதவள மேலாளர் (HR Manager) எனப்படும் பணியின் சிறப்புக்கள் குறித்தும் அப்பணியாற்றுபவர்களின் பொறுப்புக்கள் குறித்தும் இந்தப் பகுதியில் பார்க்கலாம். இந்தப்பணி மிக்கச்சாதாரணமானதல்ல. ஒரு நிறுவனத்தின் வெற்றிக்கும் தோல்விக்கும் இந்தப்பொறுப்புதான் மிகமுதன்மையான காரணமாகத் திகழ்கிறது. தன்னுடன் மற்றும் தனக்குக் கீழ் பணியாற்றுபவர்களிடமிருந்து சிறப்பான பண்புகளைப் பிரித்தறிந்து நிறுவனத்தின் நோக்கங்களுக்கு, அதன் பயணப்பாதைக்குத் தேவையானதாக சரியான நேரத்தில், சரியான இடத்தில் பயன்படுத்த திட்டமிடல் வேண்டும். மேல்நிலை அலுவலர்களுக்கும், நிறுவனத்தின் பணியாளர்களுக்கும் இடையே ஒரு பாலமாக அமையவேண்டிய ஒரு இன்றியமையாத பொறுப்பு இவர்களுடையதாகும். கீழ்க்காணும் பொறுப்புக்கள் மனிதவள மேலாளருடையதாகும்,

1. தங்கள் நிறுவனத்தின் மனிதவளக் கொள்கைகளை உருவாக்கி அதனை நிறுவனம் முழுவதும் இயலுமைப்படுத்தி அதை ஒவ்வொருவரும் மதித்து நடக்கும்படி செய்தல். மனிதவளக் கொள்கைகள் எனப்படுபவை ஒருவர் அந்த நிறுவனத்தில் பணியமர்த்தப்படுவதற்கு முன் வரும் நேர்காணலிலிருந்து பணியாற்றிப் பின் அந்நிறுவனத்திலிருந்து விலகிச்செல்லும் காலம்வரை எவ்வாறெல்லாம் பணிநிமித்தம் நடந்துகொள்ளவேண்டும் என்பதிலிருந்து, நிறுவனம் பணிபுரிபவர்களுக்கு என்னென்ன வசதிகள் செய்துதரவேண்டுமென்ற முடிவுகள் வரை வரையறுக்கப்படும் விதிகளாகும்.
2. தனக்குக் கீழ் ஒரு மனிதவளத்துறையினை மேம்படுத்தி, நிறுவனத்தில் ஒரு தேர்ந்த மனிதவளத்துறையாக மாற்றுவது அடுத்த அவரது இன்றியமையாத பணியாகும். நிறுவனத்தில் பணியாற்றுபவருக்குள்ள பிரச்சனைகளை உடனுக்குடன் ஆய்ந்தறிந்து அவர்களுக்குப் பிரச்சனைகள் இருப்பின் அதன் இயல்புகளை விளக்கிக் கூறி வழிநடத்துபவராக (Mentor)ச் செயல்படவேண்டியது மிகவும் இவரது இன்றியமையாத பணி.
3. பணியிடங்கள், பணியமர்த்தல், வரவிருக்கும் பணிச்சுமைகளை உணர்ந்து செயல்பட்டு தொடர்புடைய மற்ற மேலாளர்களை அழைத்து ஒருங்கிணைப்புக் கூட்டம் நடத்தி பணியிடங்களை நிரப்ப எடுக்கும் நேர்காணலுக்கான திட்டத்தை வகுக்கவேண்டும். தேவையற்ற பணியிடங்களை தவிர்க்கவும் சிலநேரங்களில் திட்டங்களிடலாம்.
4. திட்டமிட்டால் மட்டும் போதுமா? மனிதவளத் தேர்வு நிறுவனங்களின் (Recruitment agencies) துணையைச் சரியான நேரத்தில் அணுகி இணையதள மற்றும் வேறுவகை விளம்பரங்களின் மூலம் பணியமர்வுத் திட்டத்தினைச் செயல்படுத்த வேண்டும்.
5. பணியமர்வுத் தேர்வுகள் எவ்வாறெல்லாம் அமையவேண்டும் என்று வெளி மதிப்பீட்டாளர்களை (External Consultant) அணுகிச் செயல்பாடுகளின் தரத்தினை மேம்படுத்திக்கொள்ள வேண்டும்.
6. பணியாளர் ஊதியத் திட்டத்திற்கான உள்ளீட்டுத் தகவல்களைச் சேகரித்துத் தரவேண்டும். அப்போதெல்லாம் மற்ற துறை மேலாளர்கள் மற்றும் பணியாளர்களின் ஊதிய உயர்வு தாழ்வுகளுக்குத் தகவல் சேகரித்தலும், பணிமதிப்பிடுதலும் (Appraisal) மனிதவள மேலாளரின் இன்றியமையாத பணியாகும்.
    ஊதிய உயர்வு (Salary Increment), பணிநிலை உயர்வு (Promotion) போன்ற மாற்றங்களுக்கான ஆய்வினையும் மேற்கொண்டு அதனைச் செயல்படுத்தலும் இவர்கள் பொறுப்புதான்.
7. மனிதவள வணிகத் திட்டத்தினை வகுக்கவேண்டும்.
8. அனைத்துப் பணியாளர்களிடையே தொடர்பு சிறப்பாக அமைய உறுதியான நடவடிக்கை எடுக்கவேண்டும்.
9. முற்போக்கான மனிதவள அமைப்பை உறுவாக்கி அதன்மூலம் நிறுவனப் பணியாளர்களின் நிர்வாகத்தைச் சீராக்க வேண்டும். அதன்மூலம் சுமூகமான முன்னேற்றத்தை நோக்கிய போட்டியை பணியாளர்களுக்குள் உருவாக்க பின் வருவனவற்றைச் செயல்படுத்த வேண்டும்,
   
   செயல்திறன் மேலாண்மை (Performance Management).
   
   பணியாளர் பணி அறிமுகம் மற்றும் தூண்டுதல் (Staff Induction).
   
   வெகுமதி/சன்மானம் மற்றும் ஏற்பு (Reward and Recognition).
   
   பணி நிரந்தரமாக்கல் (Staff Retention)
   
   நிர்வாக மேம்பாடு/ பணிமேம்பாடு (Management Development / Career Development).
   
   தொடர் திட்டமிடல் (Succession Planning).
   
   பின்பற்றுதலை முறையாக்கல் / தொடர்பிடல் (Competency Building / Mapping).
   
   பணியாளர் ஈட்டூதியம் மற்றும் சலூகைகளைத் திட்டமிடல் (Compensation / Benefit programs).
   
   
10. பணியிடத்தில் சக பணியாளர்களின் குழுக்களை ஏற்படுத்த உறுதுணையாக இருப்பது. முன்னின்று ஏற்படுத்துதல்.
11. ஆக்கம் நோக்கிய பணிச்செயல்பாட்டை உறுதிசெய்யும்வண்ணம் பணியாளர்களை முன்னின்று நடத்துதல்
12. நிறுவனத்துக்குள் மனிதவளத்தினை ஒருங்கிணைத்து ஒவ்வொருவரும் எந்தெந்த நேரங்களில் எவ்வாறெல்லாம் செயல்படவேண்டும் என்ற உத்திகளை அறிவித்து வழிநடத்துதல்.
13. தொழில்நுட்பங்களை அறிந்துகொண்டு பணியாளர்கள் செயலபட மேலும் மேமடுத்திக்கொள்ள வழிவகைகளை உறுதிசெய்தல்.
14. நிதி மற்றும் நிர்வாகத் துறையுடன் இணைந்து பணியாளர் ஈட்டூதியத்துக்கு என்ன வழிசெய்யவேண்டுமென்று ஆய்ந்தறிதல் மற்றும் செயலாக்கல்.
15. நிறுவனத்தின் கொள்கைகளை மற்றும் சட்டதிட்டங்களைத் தெளிவாக்கி அதனை அனைவரும் புரிந்துகொண்டு செயல்பட அறிவுறுத்தல் மற்றும் வழிகாட்டல்.
16. நடுநிலை மனிதவளத்துறையை செயலாக்கல். அதன் மூலம், பணியமர்வுக் கடிதம் (employee offer letters), ஊதியக் கடிதம் மற்றும் ஒப்பந்தக்கடிதம் (salary letters and employment contracts) உருவாக்கல், மாதந்தோறும் நிர்வாக வரைவினை உருவாக்கி அதனைப் பராமரித்தல் (Approve updated organizational charts on a monthly basis and maintain), பணியாளர்களின் முழுவிவரக் கோப்பினை உருவாக்கிப் பராமரித்தல் (complete/accurate personnel records).
17. நிறுவனத்தின் மனிதவளக் கொள்கை அதன் வணிக மற்றும் சந்தைக் கொள்கைகளுக்குப் பொருந்தி அமைகிறதா என்று ஒவ்வொருமுறையும் உறுதிசெய்தல்.
18. கூட்டுநிறுவன (Corporate) செயல்பாடுகளை உருவாக்கி வழிநடத்துதல்.
19. ஒருங்கிணைக்கப்பட்ட மனிதவள நடுவச் செயல்பாடுகளை உருவாக்கி வழிநடத்துதல்.
20. ஒழுங்குமுறையில் ஏற்படுக் குறைகளுக்கு வழிகாட்டுதல் மற்றும் அறிவுரைக் குழு ஏற்படுத்தி மேலாளர்களுக்கு உதவுதல்.

அப்பாடா இவ்வளவு செய்யவேண்டுமா என்கிறீர்களா?....

இதுபோக இன்னும் பல பொறுப்புக்கள் மனிதவளத் துறையினருக்கு உண்டு என்பதால்தான் இவர்களுக்கு பணிச்சந்தையில் அதிக வருமானத்தில் பணிகள் காத்திருக்கின்றன. ஆனால் திறன்மிகுந்த மனிதவள மேலாளர்கள் நம்மில் மிகக்குறைவு. இளைய சமுதாயம் இதனைச் செவ்வனே புரிந்துகொண்டு சரியான MBA படிப்பிற்கான கல்விச்சாலைகளை, பல்கலைக்கழகங்களைத் தேர்வுசெய்து படிக்கவேண்டும். மேற்சொன்ன வழிமுறைகள் பின்பற்றப்படாத சிறிய நிறுவனங்களில் பணியமர்த்தப்பட்டாலும் அந்நிறுவனங்களின் தலைவர்களுக்குச் சரியான முறையில் அவைகளின் தேவைகளை எடுத்துக்கூறி நெறிப்படுத்த முயற்சி மேற்கொள்ளவேண்டும். அதற்கு அதிகளவாக ஒரு வருடம்கூட பொறுமையாகச் செயல்படலாம். ஆனால் அதையும் மீறி மேற்சொன்ன வழிமுறைகளைச் செயல்படுத்தாத/ செயல்படுத்த மறுக்கும் நிறுவனங்களில் பணியாற்றுவது மனிதவளத்துறைப் பணியாளர்களின் எதிர்கால முன்னேற்றத்துக்குக் கேடு. அதிக வருமானம் கிடைப்பதெல்லாம் இரண்டாம் நிலை. சிறிய நிறுவனமோ, பெரிய நிறுவனமோ மேற்சொன்ன வழிமுறைகளில் செயல்படும்/செயல்படுத்த முடியும் நிறுவனங்களில் பணியாற்றுவதுதான் சரி.

• புதிய

கருத்துரைகள் (2)

• |2011-05-10 15:00:04 sugumar  - arumai
  migavum arumaiyaga irunthathu...

• |2011-12-30 10:35:29 gopinath  - mba
  adsf

கருத்துரைக்கவும்

உங்கள் தொடர்பு விவரங்கள்:

பெயர்:

மின்னஞ்சல்: தெரிவிக்க அல்லதெரிவிக்கவும்

கருத்துரை:

தலைப்பு:

எழிற்குறிகள்:         -நிறம்-நீர்நீலம்கறுப்புநீலம்இளஞ்சிவப்புபழுப்புபச்சைஎலுமிச்சைகருஞ்சிவப்புகடற்படைநீலம்ஆலிவ்ஊதாசிவப்புவெள்ளிநீலப்பச்சைவெள்ளைமஞ்சள் -அளவு-மிகச்சிறியசிறியநடுவாந்திரபெரியமிகப்பெரிய

கருத்துரை:

Security

படத்திலிருக்கும் ஆங்கிலக் குறியீட்டுச்சொல்லை உள்ளிடவும்.

!joomlacomment 4.0 Copyright (C) 2009 Compojoom.com . All rights reserved."