பனித்துளிகள் நிர்வாகி பற்றி

முகப்பு

நிர்வாகி பற்றி

பனித்துளிகள் நிர்வாகி பற்றி

சதீஸ்

நிர்வாகி பற்றி

செவ்வாய்க்கிழமை, 12 ஆகச்டு 2008 22:20 | ஆசிரியர்: நிர்வாகி |

பிறந்த ஊர்:

இந்தியத் துணைக்கண்டத்தில், தமிழ் எனும் உயரிய மிகப்பழமை வாய்ந்த மொழியின் தாய்நாடாம் தமிழ்நாட்டில், மக்களை வயதுவித்தியாசமின்றி மதிக்கும் கொங்கு நாட்டின் தலைநகராம் கோயமுத்தூரில் உள்ள கண்ணம்பாளையம் எனும் கிராமம் (தற்போது இந்த ஊராட்சி, பேரூராட்சி).

பள்ளிக்கல்வி:

படித்தது வளர்ந்ததெல்லாமே கண்ணம்பாளையம் மற்றும் அதனருகிலுள்ள சூலூரில்தான். அரங்கநாதர் கல்விநிலையத்தில் துவக்கப்பள்ளிக்கல்வி முடித்து, சூலூர் அரசினர் ஆண்கள் உயர்நிலைப்பள்ளியில் உயர்நிலைக்கல்வி கற்றேன். பள்ளியிலேயே இறுதி மதிப்பெண் வாங்கித் தேர்ச்சி பெற்றேன். பின் அதுவே என் இறுதிப் படிப்பென நினைத்தேன்.

கல்லூரிக்கல்வி:

தந்தை தாயின் முயற்சியால் பள்ளிக்கல்விக்கு இரண்டு வருடங்களுக்குப் பிறகு கோவைப்புதூரில் உள்ள வி.எல்.பி. ஜானகியம்மாள் கலை மற்றும் அறிவியல் கல்லூரியில் இளநிலைக் கணினி அறிவியல் பயின்றேன். நல்ல மதிப்பெண்களுடன் தேர்ச்சியும் பெற்றேன். பின் பணியிலிருந்தவாறே தில்லி இந்திரா காந்தி தேசியத் திறந்தநிலைப் பல்கலைக்கழகத்தில் முதுநிலைக் கணினிப்பயன்பாட்டியல் பயின்றேன். பின் சென்னை எம்.ஜி.ஆர் பல்கலைக்கழகத்தில் முதுநிலைப் பொறியியல் பட்டம் பெற்றேன்.

பணி:

மென்பொருள் துறையில் 7 ஆண்டுகளுக்கும் மேல் பணியாற்றினேன். இடையே கல்லூரி விரிவுரையாளராகவும் 2 ஆண்டுகள் பணியாற்றினேன். ஆசிரியராகப் பணிபுரிதல் என்பது எவ்வளவு மகிழ்ச்சியான உயர்ந்த செயல் என்பதனை மனதார அங்குதான் உணர முடிந்தது. இப்போது இண்டர்நேஷனல் ஃப்ளேவர்ஸ் அண்டு ஃப்ரேகரன்சஸ் (IFF) எனும் நிறுவனத்தில் பணியாற்றிவருகிறேன். நீங்கள் தினந்தோறும் உண்ணும் பதப்படுத்தப்பட்ட உணவுகள், குளியல் கட்டிகள், வாசனைத்திரவியங்கள் தோறும் சுவையும் மணமும் சேர்ப்பது என் நிறுவனத்தின் பணி.

பங்களிப்பு:

தகவல் தொழில்நுட்பத்துறையில் பணியாற்றினாலும் மாணவர்களுக்குத் தொடர்ந்து என்னாலான உதவிகளை வழங்கிவருகிறேன். அதற்காக கோவை ரோட்ரேக்ட் சங்கங்கள் இணைந்து வழங்கிய 2008ம் ஆண்டிற்கான Social Oscar எனும் விருதைப் பெற்றுள்ளேன். அவ்வப்போது கல்லூரிகளில் சிறப்புரைகளும் ஆற்றுவதுண்டு. கிட்டத்தட்ட 150 முறை கல்லூரிகளுக்கும் பள்ளிகளுக்கும் சிறப்பு விரிவுரை செய்திருக்கிறேன்.

இன்னொரு தளம்:

என்னுடைய இன்னொரு தளம் www.technicalganesh.com எனும் முகவரியில் இயங்கிவருகிறது. 'பனித்துளிகள்' தளம் என் கல்லூரிநாட்களில் தமிழ்மன்றப் பங்கெடுபின்போது நான் ஆசிரியராக இருந்த பனித்துளிகள் எனும் மாத இதழின் தொடர்ச்சியாகும்.

பெற்றோர்:

தாய் தந்தை இருவருமே கண்ணம்பாளையத்தைப் பிறப்பிடமாகக் கொண்டவர்கள். தந்தை பொன்னுசாமி, மின்னணுவியல் நிபுணராக, அரசுப் பேருந்து ஓட்டுநராக, கம்பிவடத் தொலைக்காட்சி ஒளிபரப்புநிலையம் நடத்திவராக, இருசக்கர ஊர்திகளின் விற்பனை நிலைய உரிமையாளராக இன்னும் பல தொழில்களில் தனக்கென ஒரு தனிமுத்திரை பதித்தவர். எதையும் செய்தால் சிறப்பாகச் செய்யவேண்டுமென்று நினைப்பவர். கோவையில் பிறந்த விஞ்ஞானி ஜி.டி. நாயுடுவிடம் பணியிலிருந்தவர் என்றால் இவ்வளவு சொல்லவும் வேண்டுமா? தாய் தமிழ்ச்செல்வி அன்பில், அரவணைப்பில், ஈடிணை இல்லாதவர்.

உடன்பிறப்பு:

இளைய சகோதரன் கார்த்திகேயன், எதையும் விடாமுயற்சியுடன் நின்று சாதிக்கும் வெற்றிச் செல்வன். நிறுவனச் செயலாக்கத்தில் பட்டப்படிப்பினைப் பெற்று வலைஉலவு நடுவம் (Browsing Centre) நடத்திவருகிறார். கட்டற்ற தொகுப்பான லினக்ஸ்(Linux) இயக்கமுறையில் முற்றிலும் குளிரூட்டப்பட்ட வலை உலவு நடுவத்தினை உருவாக்கி சாதனை புரிந்திருக்கிறார்.

மனையாள்:

சோழநாட்டில் பிறந்து வளர்ந்த மங்கை, அன்பில் சிறந்தவரான யசோதா. முதுநிலைக் கணினிப் பயன்பாட்டியல் படித்தவர். எனக்குப் பெரும்பாலும் ஊக்கமளித்து உதவிசெய்யும் குணத்தினைக் கொண்டவர்.

தொடர்புக்கு:

என்னைத் தொடர்புகொள்ள technicalganesh(at)gmail(dot)com என்ற மின்னஞ்சல் முகவரிக்கு அஞ்சலனுப்புக.

நன்றிகளுடன் உங்கள் பேராதரவை எதிர்நோக்கி...
பொன்னு. கணேஷ் குமார்

புதிய

கருத்துரைகள் (10)

|2009-08-05 08:00:19 சதீஸ்

அழகான முயற்சி நண்பா... நான் ஒண்டிப்புதூர், கோவை. நல்லாயிருக்கீங்களா?

|2009-08-05 08:02:14 செந்தில் குமார். வி.

உங்களை நினைக்கும் போது எனக்கு, நாமும் ஒரு தமிழ் இணையதளத்தை உருவாக்க ஆசை வருகிறது.

|2009-08-12 09:23:57 பிரபு கே. வி.

உபயோகமானா தகவல் களை கொண்டுள்ளது. தினமும் பனித்துளிகள் படிப்பதில் மகிழ்ச்சி கொள்கிறேன்

|2009-08-13 16:52:16 இரத்தினவேல் - வலைபூ தலைபூ

தங்களுக்கு வாரிசு அரசியலில் ஈடுபாடு இல்லை என்று நான் அறிவேன் . அனால் உங்கள் வாரிசு பற்றி குறிப்பு இல்லாதது வருத்தமே. தாங்கள் எஸ் என் எஸ் க்கு முன் வேலை பார்த்த கலலூரிகளின் விவரம் ?

|2009-08-24 19:52:44 சாந்தினி

கணேஷ்,

நான் இங்கே எழுதுவதற்கு மிகவும் மனமகிழ்வு கொள்கிறேன், வார்த்தைகள் இந்தத் தளத்தினை வர்ணிக்கப் போதுமானதாக இல்லை. சுருங்கச் சொன்னால் அருமையிலும் அருமை.
புதுமையான சிந்தனை.

கணேஷ் என்பது புதுமையின் அடையாளம் என்பதை மீண்டும் உண்மையாக்கியுள்ளீர்கள்.

வாழ்த்துக்கள்

|2009-09-05 18:43:26 யாரோ

3 ஆண்டுகளுக்கு முன்பு ஹிந்துஸ்தான் பொறியியற் கல்லூரியில் தாங்கள் எனக்கு "C Language" கற்று கொடுத்தீர்கள். இவ்வளவு இடைவெளிக்குப் பின் தங்களை சந்தித்ததில் மகிழ்ச்சி. தங்கள் முயற்சிக்கு நல்ல அங்கீகாரமும் பாராட்டும் கிடைக்கும்.

தமிழில் தட்டச்சு செய்ய மற்றும் ஒரு சுலபமான வழி -http://www.quillpad.com/tamil/editor.html

|2011-03-07 10:19:10 Srividhya

இது பனித்துளிகள் இல்லை

பனிமழை (பனிமலை)

|2011-03-27 23:08:26 Syed - Really Appreciated initiative!

Congratulations Ganesh. The media you choose to convey your thought and services is really appreciated. My hearty congratulations and wishes for your future editions.

|2011-06-25 20:17:43 madhu - wish

it is one of the best site i am serving in remote location it helpful like our peoples to listen tamil FM through net.i am personally like your narrations about your self. wish u a long and good life

|2011-12-02 14:45:13 வெங்கட்ராமன் - பாராட்டுகிறேன் கணேஷ்

வெங்கட்ராமன்
இந்த உங்கள் முயற்சி வெற்றிபெற வாழ்த்துக்கள். என்றும், மலைச்சிகரங்களைப் பனித்துளிதான் மூடி இருக்கும். இந்தப் பனித்துளியும் சிகரங்களை நோக்கிப் பயணிக்கட்டும்.