இந்தியத் துணைக்கண்டத்தில், தமிழ் எனும் உயரிய மிகப்பழமை வாய்ந்த மொழியின் தாய்நாடாம் தமிழ்நாட்டில், மக்களை வயதுவித்தியாசமின்றி மதிக்கும் கொங்கு நாட்டின் தலைநகராம் கோயமுத்தூரில் உள்ள கண்ணம்பாளையம் எனும் கிராமம் (தற்போது இந்த ஊராட்சி, பேரூராட்சி).

படித்தது வளர்ந்ததெல்லாமே கண்ணம்பாளையம் மற்றும் அதனருகிலுள்ள சூலூரில்தான். அரங்கநாதர் கல்விநிலையத்தில் துவக்கப்பள்ளிக்கல்வி முடித்து, சூலூர் அரசினர் ஆண்கள் உயர்நிலைப்பள்ளியில் உயர்நிலைக்கல்வி கற்றேன். பள்ளியிலேயே இறுதி மதிப்பெண் வாங்கித் தேர்ச்சி பெற்றேன். பின் அதுவே என் இறுதிப் படிப்பென நினைத்தேன்.

தந்தை தாயின் முயற்சியால் பள்ளிக்கல்விக்கு இரண்டு வருடங்களுக்குப் பிறகு கோவைப்புதூரில் உள்ள வி.எல்.பி. ஜானகியம்மாள் கலை மற்றும் அறிவியல் கல்லூரியில் இளநிலைக் கணினி அறிவியல் பயின்றேன். நல்ல மதிப்பெண்களுடன் தேர்ச்சியும் பெற்றேன். பின் பணியிலிருந்தவாறே தில்லி இந்திரா காந்தி தேசியத் திறந்தநிலைப் பல்கலைக்கழகத்தில் முதுநிலைக் கணினிப்பயன்பாட்டியல் பயின்றேன். பின் சென்னை எம்.ஜி.ஆர் பல்கலைக்கழகத்தில் முதுநிலைப் பொறியியல் பட்டம் பெற்றேன்.

கோவையிலுள்ள எஸ்.என்.எஸ் தொழில்நுட்பக்கல்லூரியில் இரண்டாண்டுகள் விரிவுரையாளராகப் பணிபுரிந்து மாணவர்களுக்குப் பாடம் சொல்லித்தரும் பெருமை அடைந்தேன். ஆசிரியராகப் பணிபுரிதல் என்பது எவ்வளவு மகிழ்ச்சியான உயர்ந்த செயல் என்பதனை மனதார அங்குதான் உணர முடிந்தது. அதன் பிறகு, இப்போது கடந்த இரண்டாண்டுகளுக்கும் மேலாக GeoEdge Technologies எனும் நிறுவனத்தில் அமைப்பாய்வராகப் (System Analyst) பணிபுரிகிறேன்.

தகவல் தொழில்நுட்பத்துறையில் பணியாற்றினாலும் மாணவர்களுக்குத் தொடர்ந்து என்னாலான உதவிகளை வழங்கிவருகிறேன். அதற்காக கோவை ரோட்ரேக்ட் சங்கங்கள் இணைந்து வழங்கிய 2008ம் ஆண்டிற்கான Social Oscar எனும் விருதைப் பெற்றுள்ளேன்.

என்னுடைய இன்னொரு தளம் www.technicalganesh.com எனும் முகவரியில் இயங்கிவருகிறது. 'பனித்துளிகள்' தளம் என் கல்லூரிநாட்களில் தமிழ்மன்றப் பங்கெடுபின்போது நான் ஆசிரியராக இருந்த பனித்துளிகள் எனும் மாத இதழின் தொடர்ச்சியாகும்.

தாய் தந்தை இருவருமே கண்ணம்பாளையத்தைப் பிறப்பிடமாகக் கொண்டவர்கள். தந்தை பொன்னுசாமி, மின்னணுவியல் நிபுணராக, அரசுப் பேருந்து ஓட்டுநராக, கம்பிவடத் தொலைக்காட்சி ஒளிபரப்புநிலையம் நடத்திவராக, இருசக்கர ஊர்திகளின் விற்பனை நிலைய உரிமையாளராக இன்னும் பல தொழில்களில் தனக்கென ஒரு தனிமுத்திரை பதித்தவர். எதையும் செய்தால் சிறப்பாகச் செய்யவேண்டுமென்று நினைப்பவர். கோவையில் பிறந்த விஞ்ஞானி ஜி.டி. நாயுடுவிடம் பணியிலிருந்தவர் என்றால் இவ்வளவு சொல்லவும் வேண்டுமா? தாய் தமிழ்ச்செல்வி அன்பில், அரவணைப்பில், ஈடிணை இல்லாதவர்.

இளைய சகோதரன் கார்த்திகேயன், எதையும் விடாமுயற்சியுடன் நின்று சாதிக்கும் வெற்றிச் செல்வன். நிறுவனச் செயலாக்கத்தில் பட்டப்படிப்பினைப் பெற்று வலைஉலவு நடுவம் (Browsing Centre) நடத்திவருகிறார். கட்டற்ற தொகுப்பான லினக்ஸ்(Linux) இயக்கமுறையில் முற்றிலும் குளிரூட்டப்பட்ட வலை உலவு நடுவத்தினை உருவாக்கி சாதனை புரிந்திருக்கிறார்.

சோழநாட்டில் பிறந்து வளர்ந்த மங்கை, அன்பில் சிறந்தவரான யசோதா. முதுநிலைக் கணினிப் பயன்பாட்டியல் படித்தவர். எனக்குப் பெரும்பாலும் ஊக்கமளித்து உதவிசெய்யும் குணத்தினைக் கொண்டவர்.

என்னைத் தொடர்புகொள்ள technicalganesh(at)gmail(dot)com என்ற மின்னஞ்சல் முகவரிக்கு அஞ்சலனுப்புக.

கருத்துரைக்கவும்

உங்கள் தொடர்பு விவரங்கள்:

பெயர்:

மின்னஞ்சல்: தெரிவிக்க அல்லதெரிவிக்கவும்

கருத்துரை:

தலைப்பு:

எழிற்குறிகள்:         -நிறம்-நீர்நீலம்கறுப்புநீலம்இளஞ்சிவப்புபழுப்புபச்சைஎலுமிச்சைகருஞ்சிவப்புகடற்படைநீலம்ஆலிவ்ஊதாசிவப்புவெள்ளிநீலப்பச்சைவெள்ளைமஞ்சள் -அளவு-மிகச்சிறியசிறியநடுவாந்திரபெரியமிகப்பெரிய

கருத்துரை:

Security

படத்திலிருக்கும் ஆங்கிலக் குறியீட்டுச்சொல்லை உள்ளிடவும்.

!joomlacomment 4.0 Copyright (C) 2009 Compojoom.com . All rights reserved."